PROJECT X – პროექტი ართთაიმისგან
კომპანია ARTTIME 1999 წელს დაარსდა და საქართველოში პირველმა გახადა ხელმისაწვდომი შვეიცარიული საათი მომხმარებლებისთვის. დღეს, ართთაიმის მაღაზიათა ქსელში წარმოდგენილია სხვადასხვა ქვეყნის საათის, სამკაულის და აქსესუარის არაერთი ბრენდი. კომპანიის პორტფოლიოში წარმოდგენილია 25 ბრენდზე მეტი, თუმცა ARTTIME კიდევ ბევრ სიახლეს გეგმავს თავისი ერთგული მომხმარებლისთვის.
წლების განმავლობაში მოპოვებულმა ნდობამ გვიბიძგა შეგვექმნა ბრენდი, რომელიც ქართველ მომხმარებლებს შესაძლებლობას მისცემდა მისაღებ ფასად შეეძინა საათი, რომელიც სრულად დააკმაყოფილებდა მათ მოთხოვნებს.
PROJECT X ქართული ბრენდია, რომელიც შვეიცარიაში მზადდება. პირველ მოდელში წარმოდგენილია 5 განსხვავებული ფერის საათი – წითელი, სტაფილოსფერი, ყვითელი, ლურჯი და მწვანე.
თითოეული მოდელის ციფერბლატზე ვხვდებით თარიღს 26.03.24 საათის ხუფებზე კი დინამოს სტადიონს. ARTTIME-სთვის ისევე როგორც მთელი საქართველოსთვის ეს დღე და ადგილი ასოცირდება წინ გადადგმულ უდიდეს ნაბიჯთან ქართულ სპორტში, გამარჯვებასთან, თუმცა ასევე ყველაზე მნიშვნელოვანთან – ერთობასთან და იმ გულანთებულ სითბოსა და სიყვარულთან, რომელიც თითოეული ადამიანის სიცოცხლის და ბედნიერების მთავარი წყაროა.
ჩვენ ყველანი გავხდით იმ ერთობისა და სიყვარულის თანამონაწილეები, რომელიც 26 მარტს დინამოს სტადიონზე ხდებოდა და ეს დღე სამუდამოდ დარჩება ჩვენს გულებში არა მხოლოდ გამარჯვების სიმბოლოდ, არამედ ერთობის და ერთმანეთისადმნი უდიდესი სიყვარულის თამამად გამოხატვის დღედ.
თარიღის და გრავირების გარდა PROJECT X-ის თითოეული მოდელის კორპუსიც ასევე ასოცირდება დინამო სტადიონთან, მისი „კიბის“ილუზიის ვიზუალიდან გამომდინარე, რომელსაც ჩვენ ყველანი ძალიან კარგად ვიცნობთ.
PROJECT X-ის უდავოდ გამორჩეულ დეტალებთან ერთად აუცილებლად აღსანიშნავია, საათის მექანიზმი, რომელიც დაგვეთანხმებით საათისა თუ ბრენდის წარმატების მთავარ ელემეტს წარმოადგენს. თითოეულ მოდელს აქვს ქრონოგრაფი, მუშაობს კვარცზე და მექანიზმი გახლავთ RONDA Z50.
მექანიზმი გამოირჩევა თავისი სანდოობით, ის შვეიცარიული ბრენდია და ცნობილია მაღალი ხარისხის კვარცული მექანიზმებით. Z50 საკმაოდ მდგრადი მექანიზმია და მასზე არჩევანს არაერთი ცნობილი ბრენდი აჩერებს და ზოგიერთ თავის მოდელში იყენებს როგორცაა მაგალითად VICTORINOX, WENGER.
PROJECT X ასევე გაძლევთ შესაძლებლობას ერთი საათის შეძენით იყოთ ორი საათის მეპატრონე, როგორ?! ძალიან მარტივად!
ჩვენს მიერ შექმნილ თითოეულ მოდელს მოყვება დამატებითი შავი ფერის ასევე კაუჩუკისგან შექმნილი სამაჯური, რომლის შეცვლა თქვენ თავად რამდენიმე წამში შეგიძლიათ.
PROJECT X არის პროექტი, რომელიც სიამაყით, გამარჯვებით და სიყვარულით არის სავსე, ეს არის პროექტი, რომელიც განსაკუთრებულს გაგხდით და შეგაყვარებთ საათის ყოველდღიურად ტარებას.
PROJECT X არის ARTTIME-ის, ჩვენი, პროექტი, რომელიც დაიწყო სულ ცოტა ხნის წინ, მაგრამ უამრავი იდეის მატარებელია. ამიტომ გპირდებით, უცნობი, X, -რომელიც თითოეული მოდელის ციფერბლატზე არის აღბეჭდილი კიდევ ბევრ სიახლეს გპირდებათ.
დარჩით ჩვენთან და გვერწმუნეთ, ARTTIME-ის სიძლიერე ხართ თქვენ და თქვენ ხართ ის ადამიანები, რომლებმაც შექმნეს ის დაუვიწყარი სიამაყის, სიყვარულის და ერთობის პროექტი სახელწოდებით PROJECT X.
PROJECT X-ის მოდელების შეძენა და დათვალიერება შესაძლებელია ჩვენს 9 ფიზიკურ მაღაზიაში და ასევე ონლაინ საიტზეც, გელოდებით!
